Rivot NX100 Delivery Started: All EV Companies Are Shocked!
Kya aapko yaad hai October 2023? Jab Rivot Motors naam ke ek Belagavi (Karnataka) ke startup ne apni pehli electric scooter Rivot NX100 ko introduce kiya tha. Us time par iske features sunkar sabhi ke hosh ud gaye the. Log soch rahe the ki ye scooter market me aate hi tahlka macha dega. Lekin phir kya hua? Company gayab si ho gayi.
Cut to 2026! Pure 3 saal ke lambe intezar ke baad, finally Rivot Motors ki taraf se ek badi khushkhabri aayi hai. Company ne Rivot NX100 ka production shuru kar diya hai aur iski pehli commercial delivery bhi successfully kar di hai. Is khabar se ola electric, Ather, aur Bajaj jaise bade brands sach me shock hain.
Aakhir is startup ko itna time kyun laga? Is scooter me aisa kya khas hai jo ise baaki electric scooters se alag banata hai? Chaliye sab kuch aasan bhasha me samajhte hain.
3 Saal Ka Intezar Kyun? Indian EV Startups Ka Asli Dard
India me jab bhi koi naya startup kuch naya karne ki koshish karta hai, toh sabse bada kanta banta hai Funding. Rivot Motors ke sath bhi yahi hua.
Badi Companies Ka Dabdaba: EV market me jitna bhi bada fund aata hai, wo zyada tar ola electric scooter ya Ather jaise bade players le jaate hain. Small startups ko inquisition phase me paisa hi nahi milta.
R&D Aur Testing Me Time: Electric vehicle banana koi khilona banana nahi hai. Isme sahi se Research and Development (R&D) karni padti hai, battery pack ko test karna padtahai taaki safety bani rahe.
Finally Mile Investors: Ab jaakar company ne achha fund raise kiya, testing poori ki, aur Belagavi ki factory me production line chalu kar di. Der se hi sahi, lekin ye startup poori taiyari ke sath wapas aaya hai.
Rivot NX100 Ke Aise Features Jo Kisi Ne Soche Bhi Nahi The
Rivot NX100 me kuch aise out-of-the-box features diye gaye hain jo aapko premium se premium electric scooter in india me bhi dekhne ko nahi milenge.
1. Auxiliary Power Unit (APU)
Sochiye aap raste me ja rahe hain aur aapki scooter ki battery 0% ho gayi. Ola ya bajaj chetak me aapko dhakka marna padega ya towing bulani padegi. Lekin Rivot NX100 ke Max aur top variants me ek extra APU milta hai. Main battery khatam hone ke baad bhi ye APU aapko 20-25 km/h ki speed par lagbhag 30 KM tak ki range de dega, taaki aap aaram se ghar ya charging station pahonch sakein.
2. Front Dashcam (Ride Camera)
Aaj kal road accidents aur safety ke liye car me dashcam lagwana aam baat hai. Rivot ne is scooter ke front me in-built ride camera diya hai jo raste ki har cheez ko record karta hai.
3. Gesture Control Boot Open
Agar aapke dono haathon me shopping bags hain, toh aapko chabi nikalne ya screen touch karne ki zaroorat nahi hai. Bas ek simple gesture se iska seat automatic open ho jata hai.
Rivot NX100 Ke Saare 5 Variants: Keemat Aur Specifications
Company ne is scooter ko total 5 alag-alag variants me utara hai taaki har budget ke customer ko target kiya ja sake. Iski shuruati keemat ₹89,000 se lekar top model ke liye ₹1,89,000 tak jaati hai.
| Variant Name | Battery Capacity | True/IDC Range | Top Speed | Price (Ex-Showroom) |
| Classic (Base) | 1.95 kWh (Fixed) | 100 KM | 100 km/h | ₹89,000 |
| Pro | 3.84 kWh | 200 KM | 110 km/h | ₹1,29,000 |
| Max | 5.7 kWh | 300 KM | 110 km/h | ₹1,59,000 |
| Sports | 3.84 kWh | 200 KM | 110 km/h | ₹1,39,000 |
| Off-Lender (Top) | Up to 5.7 kWh+ | 300 to 500 KM | 110 km/h | ₹1,89,000 |
Detailed Breakdown: Kis Variant Me Kya Milega?
1. Classic Model (Base Variant - ₹89,000)
Ye un logo ke liye hai jo ek affordable aur family-oriented electric two wheeler dhoodh rahe hain. Iskidesign bohot zyada futuristic nahi hai, par dekhne me kaafi decent lagti hai.
Battery & Speed: 1.95 kWh fixed battery, 100 KM ki range aur 100 km/h ki top speed.
Motor & Torque: 6 kW ki PMSM motor jo 45.5 Nm ka torque deti hai.
Onboard Charger: Isme 750W ka onboard charger milta hai jo gadi ke andar hi fixed hai. Yani aapko alag se bhari charger bag me lekar ghumne ki zaroorat nahi hai. Front me lagao aur charge karo.
Other Specs: 45 Liters ka bada boot space, 105 kg weight, aur Dual Disc brake system milta hai.
2. Pro Model (₹1,29,000)
Agar aapko thodi badi battery aur behtar range chahiye toh ye model sahi hai.
Battery & Charging: 3.84 kWh battery pack jo 200 KM ki IDC range deta hai. Isme 1000W ka onboard charger milta hai jo gadi ko sirf 4 ghante me full charge kar deta hai.
Performance: 110 km/h top speed aur 115 kg weight. Isme side stand sensor aur Regenerative braking bhi mil jati hai.
3. Max Model (Value for Money - ₹1,59,000)
Ye is lineup ka sabse zyada practical model lagta hai kyunki isme features aur range ka solid combination hai.
Kamaal Ki Range: 5.7 kWh ka bada battery pack jo 300 KM ki solid range deta hai. Full charge hone me 6 ghante lagte hain.
Features Ki Baarish: Is variant se aapko APU (Auxiliary Power Unit), Cruise Control, TPMS (Tyre Pressure Monitoring System), aur Front Dashcam milna shuru ho jata hai.
4. Sports Model (₹1,39,000)
Is model me features saare Max wale milenge (jaise APU aur camera), lekin range ko thoda kam rakha gaya hai taaki budget control me rahe. Isme 3.84 kWh ki battery milti hai jo 200 KM ki range deti hai.
5. Off-Lender (Top Model - ₹1,89,000)
Ye is gadi ka sabse premium aur unique variant hai. Isme aapko customizable battery option milta hai, jise upgrade karwa ke aap 500 KM tak ki range le sakte hain! Isme aapko off-road tyres, ek special off-road theme, aur saare premium tech features milte hain.
Kya Ye Ola, Ather Aur Bajaj Ko Takkar De Payegi?
Indian market me filhal ola electric sales aur unke ola electric scooter price ke dabdabe ko hilanakoi aasan kaam nahi hai. Hal hi me Ather ne bhi apna ather rizta s, rizta new, aur rizta s model launch karke family segment ko capture kiya hai. Wahi dusri taraf simple one electric scooter ne bhi kaafi hype banayi thi par deliveries me unhe bhi dikkat aayi.
Rivot Motors ke sath plus point ye hai ki unki gadi me features aur range kaafi solid hain. Lekin unka rasta aasan nahi hone wala. Ab jab 2026 me unhone delivery shuru ki hai, toh unhe ye cheezein jald se jald karni hongi:
Production Speed Up: Agar delivery slots ka wait-time 6 mahine se upar gaya, toh log new rizta s 2026 ya electric vehicle segment ke dusre trusted brands par chale jayenge.
Showroom & Service Network: Gadi bechna ek baat hai, par deshbhar me service center kholna sabse bada challenge hota hai.
Warranty: Company 5 saal ya 50,000 KM ki vehicle aur battery warranty de rahi hai, jo ki naye startup ke hisab se ek achha confidence builder hai.
Conclusion: Aapko Rivot NX100 Leni Chahiye Ya Nahi?
Rivot Motors ne deeh se hi sahi, par ek bohot hi solid product market me utara hai. Agar aapka budget ₹1.5 Lakh ke aas-paas hai aur aapko ek aisi scooter chahiye jisme har din charge karne ka jhanjhat na ho (300KM range) aur dashcam aur APU jaise next-gen features hon, toh Rivot NX100 Max variant aapke liye ek behtareen option ho sakta hai.
Lekin agar aap ek naye brand par jaldi trust nahi karte aur aapko immediate delivery chahiye, toh aap market me pehle se jamaye baithe players ki taraf dekh sakte hain.
Frequently Asked Questions (FAQs)
Q1. Rivot NX100 kis company ki scooter hai aur ye kaha ki hai?
Rivot NX100 ko Rivot Motors ne banaya hai, jo ki Belagavi (Belgaum), Karnataka ke ek Indian startup hai. Dhyan rahe, ye Revolt company nahi hai, ye alag brand hai.
Q2. Rivot NX100 ki battery warranty kitni hai?
Company is scooter par aur iski battery pack par 5 saal ya 50,000 kilometers ki standard warranty de rahi hai.
Q3. Rivot NX100 Max model ki range kitni hai aur charge hone me kitna time lagta hai?
Rivot NX100 Max me 5.7 kWh ki battery milti hai jo 300 KM ki range deti hai. Iske sath aane wale 1000W onboard charger se ye gadi lagbhag 6 ghante me 0 se 100% charge ho jaati hai.
0 Comments